ЭҚЖЖ тізіміне шағын және орта бизнес кәсіпорындары, қызмет көрсету, тауарларды сату, қоғамдық тамақтану және т.б. салалардағы ЖК мен ЖШС кіреді. Барлық қызмет түрлері бойынша толық тізімді мына жерден қараңыз.

Бөлшек салыққа көшуге мүмкіндігі бар кәсіпкерлер үшін қаунышты хабар - ҚҚС төлеуден босату болып табылады. Сарапшылардың айтуынша, жылдық айналым 60 млн, 100 млн және 200 млн теңгеден асса да, ҚҚС-тан қорқудың қажеті жоқ, оны ешкім төлеткізбейді.

Осы режимдегі негізгі міндеттеме – тоқсанына бір рет айналымнан 3% негізгі салықты төлеуді жүзеге асыру, сондай-ақ 913 есептеме үлгісін тапсыру. Алайда жалақы салығы бөлшек сауда режиміне кірмейді, оны бөлек төлеуге тура келеді.

Бөлшек салық режиміне қалай ауысуға болады?

Бөлшек салық режиміне салық салудың жалпы белгіленген тәртібінен немесе басқа арнайы салық режимінен өтуге болады. Егер кәсіпкерлік субъектісі ҚҚС салық төлеуші мәртебесінен бас тартқысы келсе, онда ол бөлшек сауда режимін қолдану басталғанға дейін бес жұмыс күнінен кешіктірмей ҚҚС бойынша тіркеу есебінен "шығарылуы" тиіс. Сіздің бизнесіңіздің қажетті өлшемдерге сәйкес келетіндігін тексеруді ұмытпаңыз.

Маңызды мәлімет! Салық сарапшыларының айтуынша, 3% мөлшерлемеге көшу әрбір кәсіпкерге тиімді емес. Мәселеге ақылмен ой тоқтатып, өз кірістерін есептеу маңызды. Бұл туралы кейінірек егжей-тегжейлі материал жазамыз. Жаңалықтарды Ismet.kz сайтында қадағалап отырыңыз.

Бөлшек салық арнайы салық режимдерінің (АСР) қатарына жатады. Кәсіпкерлерге 2022 жылғы АСР және есептеме беру мерзімдері туралы білу қажет нәрсенің бәрін біз осы жерде егжей-тегжейлі жинадық.