Этил спирті, алкоголь өнімі мен темекі өнімдеріне ілеспе жүкқұжаттарды ресімдеу қағидаларының күші жойылып, орнына тауарларға ілеспе жүкқұжаттары енгізілген. Бұл жөнінде ҚР ҚМ Мемлекеттік кірістер комитетінде хабарлады.
Қазақстан Республикасы Қаржы министрлігінің Мемлекеттік кірістер комитеті бұдан бұрын алкоголь өнімдері мен темекі өнімдерінің айналымы жасалған кезде алкоголь мен темекі өнімдеріне ілеспе жүкқұжаттар ресімделгенін хабарлайды.
Қазақстан Республикасы Премьер-Министрінің бірінші орынбасары – Қазақстан Республикасы Қаржы министрінің 2019 жылғы 26 желтоқсандағы № 1424 бұйрығымен бір мезгілде тауарларға ілеспе жүкқұжатты енгізе отырып, этил спирті мен алкоголь өнімі мен темекі өнімдеріне ілеспе жүкқұжаттарды ресімдеу қағидаларының күші жойылды.
Осыған байланысты, 2021 жылғы 21 сәуірде сағат 20.00-ден 22.00-ге дейін алкоголь мен темекі өнімдеріне ілеспе жүкқұжаттарын жазып беруді бұғаттайтын жаңартуды орнату жоспарлануда.