Елордада цифрлық технологиялар саласындағы кезекті іс-шара – «Қазақтелеком» АҚ @yandexcloud Yandex Cloud-пен бірлесіп ұйымдастырған Demo Day өтті. Іс-шара бизнес-процестерді өзгертуге және өсудің жаңа мүмкіндіктерін ашуға қабілетті заманауи бұлттық шешімдерді көрсету үшін бизнес өкілдерін, IТ мамандарын және сала сарапшыларын біріктірді.
Demo Day тәжірибе алмасудың және озық цифрлық өнімдермен танысудың тиімді платформасына айналды. Іс-шараға қатысушылар бұлтты технологиялар, жасанды интеллект және аналитикалық қызметтер бизнестің тиімділігін қалай арттырып, одан әрі дамуға серпін беретінін көруге мүмкіндік алды.
«Қазақтелеком» АҚ Цифрлық бизнес дивизионының бас директоры Абылайхан Оспанов құттықтау сөз сөйледі. Өз сөзінде ол компанияның ашық өзара іс-қимыл қағидаттарына бейілділігін атап өтті:
«Қазақтелеком» АҚ мульти-серіктестік негізінде даму стратегиясын құруда. Біз өз клиенттерімізге негізгі қызметтерді ғана емес, сонымен қатар нарық талап ететін инновациялық шешімдерді ұсыну үшін Yandex Cloud сияқты технологиялық көшбасшылармен ынтымақтастыққа дайынбыз. Мұндай іс-шаралар тұтынушылармен тікелей диалог болып табылады. Бұл олардың қажеттіліктерін жақсырақ түсінуге және біздің өнім портфолиосын, соның ішінде жасанды интеллект және бұлттық технологияларға бейімдеуге мүмкіндік береді».
