Ірі телеком-оператор - Каѕіркеr бизнесмендерге арналған қызметтер пакеті Қазақстанда танымал болып келеді. Бір күн бұрын Қарағандыдан келген кәсіпкер Гүлнұр Жұмабекова осы тарифтік жоспарды қосқан мерейтойлық абонент атанып, "Қазақтелекомнан"сыйлық алды.
Жеке кәсіпкерлер үшін kasipker байланыс пакетін қосқан 20 мың абонентті марапаттау Қарағанды Корпоративтік сату орталығының кеңсесінде салтанатты түрде өтті. Пакет іске қосылғаннан бері оған соңғы 4 жылдағы IP сегментіне арналған басқа ұсыныстардан екі есе көп пайдаланушылар қосылды. Kasipker тарифтік желісі үш пакеттен тұрады және оған ұялы және тіркелген телефония қызметтері, ұялы операторлардың нөмірлеріне қоңыраулар және Қазақстан бойынша шексіз қоңыраулар, интернет желісіне қолжетімділік, сондай-ақ imou Kazakhtelecom бейнебақылау сервисі кіреді.
«Мен үшін "Қазақтелекомның" мерейтойлық клиенті болғаным керемет тосынсый болды. Осындай акцияларда жеңіске жеткеніме шексіз қуанышта болдым. "Қазақтелекомда" интернет жылдамдығы 60 Мбит/с, қосымша қызметтер, сондай-ақ онлайн-режимде бейнебақылау сервисі үшін мобильді қосымшаны пайдалану мүмкіндігі бар Kasipker қызметтер пакетін қосуға жүгіндім. Бұл интернет арқылы операцияларды жүзеге асыруды талап ететін бизнестің барлық қажеттіліктерін толық қамту үшін жеткілікті. Сонымен қатар, пакеттің құны өте ұнады», - деп бөлісті кәсіпкер Гүлнұр Жұмабекова.