Ismet платформасының ребрендингі басталды. Қызметтер көп жылдан бері «Қазақтелеком» экожүйесінде жұмыс істеп келеді, сондықтан енді олардың барлығы Kazakhtelecom Business брендімен ұсынылады.
Өзгерістерден кейін ismet.kz арқылы пайдаланылатын қызметтер Kazakhtelecom Business атауымен жұмыс істейді. Негізгі домен ismet.kz орнына b2b.telecom.kz болады.
Ребрендинг техникалық және имидждік сипатқа ие. Қызметтердің жұмыс істеу тәртібі өзгермейді. Пайдаланушылар орындап жүрген әрекеттер, функцияларға қолжетімділік және жеке кабинет жұмысы бұрынғыша сақталады.
Егер сізде ismet.kz доменімен сақталған сілтемелер немесе бетбелгілер болса, оларды өзгертудің қажеті жоқ. Сол мекенжайларға өткен кезде сіз автоматты түрде b2b.telecom.kz доменіндегі тиісті беттерге бағытталасыз.