Көптеген кәсіпкерлер салық төлеу режимдерін шатастырады. Мұндайда табысыңыздың шегінен асып кету, рұқсат етілген мөлшерден асып кету сияқты жағдайларға тап болып, үлкен айыппұл төлеуге мәжбүр боласыз!

Бұған жол бермеу үшін бірнеше қарапайым ережелерді есте сақтаңыз.

1. Жеңілдетілген салық режимі ҚҚС-пен бірдей емес. Жеңілдетілген режимде максималды рұқсат етілген айналым – жылына 147 млн теңгені, ал жарты жылда - 24038 АЕК құрайды.

2.    Егер сіздің жылдық айналымыңыз 61 млн теңгеден аспаса, бұл айына шамамен 5 млн теңге, сіз ҚҚС төлеуші емессіз. Егер сіздің айналымыңыз осы сомадан асып кетсе, ҚҚС-қа "кіру" қаупі бар. Бұл жағдайда сіз есепке тұрып, осы салықты төлеуші ретінде уақытында тіркелмегеніңіз үшін ҚҚС есебінде көрсете алмаған соманың 15% мөлшерінде айыппұл төлеуге тура келеді.

3.    Жеңілдетілген салық режимін 3% бөлшек салық режимімен шатастырмаңыз. Соңғы жағдайда ҚҚС төлемейтіндер үшін жылдық айналым сомасы маңызды емес. Сіз жылдық айналым сомасынан - 61 млн теңгеден асып кетсеңіз де, оны бәрібір төлемейсіз. Біз бұл туралы егжей-тегжейлі түсіндірген болатынбыз. 

4.    Өз табысыңызды қатаң тексеріп, салық айыппұлдары мойныңызға түспес үшін және қайта тіркелуге байланысты артық әуре-сарсаңды болдырмас үшін бухгалтерияны мұқият қадағалаңыз.

5.    Бірыңғай жиынтық төлем тек өзін-өзі жұмыспен қамтыған кәсіпкерлерге ғана ыңғайлы. мұндай режимде рұқсат етілген жылдық айналым 3 млн 600 мың теңгені құрайды. Сондай-ақ бұл жағдайда жеңілдетілген режимдегідей жарты жылдық жүйе жұмыс істемейді. Шатысып кетпеңіз!

Осы 5 қарапайым ереже сізге кодексті жақсырақ басқаруға және салық төлеуші ретінде өз құқықтарыңызды білуге көмектеседі. Келесі материалдарда біз үш компонентті салық жүйесі туралы, сондай-ақ кәсіпкерліктің қандай түрлері және қандай салық режимдерінде жұмыс істеу тиімдірек екендігі туралы толығырақ айтып береміз. Жаңалықтарды Ismet.kz сайтынан қадағалаңыз.